శ్రీశ్రీ అనంతం(ANANTHAM -(SRI SRI))
Author: Sri Sri
Price: Rs.210.00 /-
No.Pages: .
Description:
'1930 దాకా తెలుగు సాహిత్యం నన్ను నడిపించింది. ఆ తర్వాత నుంచీ దాన్ని నేను నడిపిస్తున్నాను. అప్పటినుంచీ తెలుగు సాహిత్యం చరిత్ర శ్రీశ్రీ స్వీయచరిత్ర'' - అని చెప్పుకున్నారు మహాకవి శ్రీ రంగం శ్రీనివాసరావు. అట్లా అనంతం అన్నది తెలుగు సాహిత్య చరిత్రే అవుతుంది. చలసాని ప్రసాద్‌ కూర్పుతో ఒక పుస్తకంగా వెలువడిన 'అనంతం' ఆత్మచరిత్రాత్మక నవల. తెలుగుసాహిత్యానికి సంబంధించినంతవరకు ఈ శతాబ్దం (20వ) నాది ! అని చెప్పుకున్న శ్రీశ్రీ దాపరికాలేవీ పెట్టుకోకుండా అనంతం వ్రాశారు. సినిమాపరదాలే కాకుండా సెక్సు సరదాలు కూడా ఇందులో ఉన్నాయి. తెలుగు సాహిత్యాన్ని అభ్యుదయం వైపుకు మళ్ళించిన శ్రీశ్రీ ఆత్మకథ అద్యంతము ఆసక్తికరం. శ్రీశ్రీ ప్రచురణలు వెలువరించిన అవంతంలో 26 శీర్షికలు వున్నాయి. శ్రీశ్రీ ముఖ చిత్రంలో వెలువడిన ఈ పుస్తకం అచ్చు కంటికి ఇంపుని కలిగిస్తుంది.
About the Author
శ్రీశ్రీ - శ్రీరంగం శ్రీనివాస రావు - 1910 జనవరి 2 న పూడిపెద్ది వెంకటరమణయ్య, అప్పలకొండ దంపతులకు తెలుగు బ్రహ్మ్ణ్ణణ కుటుంబము లో విశాఖపట్టణము లో జన్మించాడు. (శ్రీశ్రీ తన అనంతం పుస్తకంలో పుట్టిన రోజు గురించి వివరణ ఇచ్చారు. తను 30 ఏప్రిల్ 1910 లో పుట్టానని, తండ్రి పాఠశాలలో అవసరం నిమిత్తం 02-1-1910 అని రాయించారని పేర్కొన్నారు) శ్రీరంగం సూర్యనారాయణకు దత్తుడగుట వలన ఈయన ఇంటిపేరు శ్రీరంగంగా మారింది. ప్రాధమిక విద్యాభ్యాసం విశాఖపట్నం లో చేసాడు. 1925 లో SSLC పాసయ్యాడు. అదే సంవత్సరం వెంకట రమణమ్మతో పెళ్ళి జరిగింది. 1931 లో మద్రాసు విశ్వ విద్యాలయం లో బియ్యే (జంతుశాస్త్రము) పూర్తి చేసాడు. ఇరవయ్యవ శతాబ్దపు తెలుగు సాహిత్యాన్ని శాసించిన మహాకవి శ్రీశ్రీ . శ్రీరంగం శ్రీనివాసరావు శ్రీశ్రీగా ప్రసిద్ధుడయ్యాడు. విప్లవ కవిగా, సాంప్రదాయ, ఛందోబద్ధ కవిత్వాన్ని ధిక్కరించినవాడిగా, అభ్యుదయ రచయితల సంఘం అధ్యక్షుడిగా, విప్లవ రచయితల సంఘం స్థాపక అధ్యక్షుడిగా, సినిమా పాటల రచయితగా ఆయన ప్రసిద్ధుడు. శ్రీశ్రీ హేతువాది మరియు నాస్తికుడు. మహాకవిగా శ్రీశ్రీ విస్తృతామోదం పొందాడు. మహాప్రస్థానం ఆయన రచించిన కావ్యాల్లో ప్రసిద్ధమైనది.
